Intervjuet med Nils Brekka handlar om interessa hans for slektshistorie og formidlinga av familie‑ og lokalhistorie gjennom fleire bokutgjevingar. Brekka fortel om familien sin bakgrunn, utvandringa til Amerika og historiske hendingar knytte til slektsgarden og områda rundt. Samtalen tek opp tema som slektsforhold, migrasjon og betydninga av å bevare historier og minne over tid. Intervjuet gjev eit slektshistorisk innblikk i dei lange linjene i sørlandsk migrasjonshistorie. Garden Woie i Austre Moland utvikla seg til ein storgard som følgje av tømmerhandel med Nederland på 1600‑talet. Under folkeveksten på 1700‑ og tidleg 1800‑talet vart garden delt opp i mindre einingar, utan at bruka vart for små til å livnære eigarane. Difor var det særleg blant husmennene at Amerika‑feberen først tok tak. Intervju ved Bjørn Enes.

00:00 – Introduksjon
01:00 – Bibliografi
04:30 – Slektsforsking
06:15 – Gardsdeling
10:10 – Utvandring til Amerika
10:55 – Skildring av gardstun
13:00 – Oppgangstider
16:05 – Kvifor flytta folk?
20:35 – Fyrste grandonkel si reise
24:10 – Gullvandrande filleonkel
25:50 – Grandonkel som utvandra til Danmark
28:20 – Reisande familie
33:50 – Brev frå grandonkel til grandonkel
34:50 – Familiebok
41:50 – Meir om den gullvandrande onkelen
43:00 – Meir om grandonkel som reiste til Danmark
44:00 – Meir om breva
44:45 – Meir om familieboka
50:00 – Hagearbeid
52:30 – Verdien av slektsforsking